香港新浪網 MySinaBlog
« 上一篇 | 下一篇 »
基斯 Chris | 31st Mar 2008 | 又慳家 | (675 Reads)

廚房已經裝修好成三個月,屋企一直只有一把生果刀,切橙係佢、搽牛油係佢、搽果占又係佢、切牛扒都係佢(仲要兩個人共用)。Darling成日「鵝」我,話我唔買刀。我原因係好貴呀!等我得閉去D夜冷舖有冇幾蚊把靚刀賣,到時先買幾把返黎啦!

其實都真係間唔中o係夜冷店見到有餐刀賣,但又嫌佢醜樣,更懷疑佢係二手,於是拖拖下幾個月都買唔到返黎emotion

不過終於俾我等到喇!作日行中環嘉咸街街市,位於嘉咸街,威靈頓街交界一個賣生果阿嬏竟然有D好靚既刀叉賣!嘩……簡直係執到寶呀emotion!廚刀全部30蚊,餐刀叉全部只賣5蚊不特只,顯然唔係夜冷cheap貨,因為數量唔多,而且每個款多數得一隻。一拿上手就知係靚野喇!好鋼水,又有design,同樣貨式如果o係Franc Franc ,或連卡佛賣,點都要殺你幾十蚊隻呀!呢D就係我既戰利品 ……

Picture

阿嬏話佢個仔做呢行架:「貨辦黎既,靚野黎架…出口去意大利架!」佢仲話「一期一期啦,唔係成日有,有咪拿出黎囉!」可能行citysuper既人唔會行到呢度;行wet market既人唔係好識欣賞出現o係生果檔既高檔貨,所以阿嬏D刀銷情唔太理想,我睇睇下佢仲自動減價:「菜刀30蚊賣20蚊啦……今日都未賣過!」

於是呢把超酷既麵包刀就20蚊落入我手中emotion……哈哈哈…500蚊既貨式唷!

Picture

當然大家唔好旨意執到一套同款的,但咁好款既刀叉把把唔同,咪當係儲designer collection囉!行過中環去睇下有冇「貨辦」o岩你啦!