香港新浪網 MySinaBlog
基斯 Chris | 30th Mar 2008 | 又慳家 | (660 Reads)

世上所有野都係越大件越平,油都係一樣,買一桶點都係平過買支細好多,不過首先梗係要搵個空樽裝起先啦!買埋個油瓶 / 酒瓶漏咀就方便到暈,仲好係好Pro咁添!emotion(漏咀於油麻地上海街一帶有售,圖中一個8蚊買回來!)

Picture

當然要有個漏斗至得,我因為懶得洗,而想慳返錢買既原固,所以……

 (閱讀全文)

基斯 Chris | 27th Mar 2008 | 又勞氣 | (611 Reads)

先兩個禮拜,有日行ifc 的Zara男裝部,有個中年太太,正在買衫給兒子,並不停問店員的意見。「中碼就應該冇錯,不過買咩色好呢?你話呢?你同我介紹幾個款黎丫!不過唔好揀埋D粉紅呀、紫呀,呢D『基佬色』就得架喇!」

我當堂瞪大眼,轉身看一看那個太太是怎樣的德性!我心諗:emotionexcuse me!?什麼叫「基佬色」?……

 (閱讀全文)

基斯 Chris | 26th Mar 2008 | 又勞氣 | (781 Reads)

每一次我睇到呢個廣告我都火滾!唔鬧唔得!最近得知呢個廣告仲要入圍佳廣告大獎!冇病係嘛emotion

大家可記得一個「嘉士伯啤酒」廣告,題目為:可能係世界上最好既旅行團。三位男士入住一家酒店,站出露台喝啤酒,遠望是一片藍天碧海,低頭一望,原來是個全女班工人開工的地盤……

唔太記得的話,emotion請睇一睇片……

 (閱讀全文)

基斯 Chris | 25th Mar 2008 | 又慳家 | (2117 Reads)

如果你唔知邊個係「缸瓦佬」,emotion就等我黎介紹一下。

「缸瓦佬」當然專賣缸瓦,中式、日式、西式缸瓦器皿都有得賣,而且好平好平,質地仲非常之好,款式又靚。圖中只係一部份我最近既戰利品:

Picture 

白色焗盅:$6(永安D來佬貨賣三十幾蚊架!)

長形碟:各大概$20(葉形蒸魚fit哂!長形放壽司最似模似樣!)

係咪又cheap又有class呢emotion!不過佢係所謂既「快閃黨」!即係話唔會開定一個地點,三個月半年就會搬走。

今個禮拜呢我家作客8人,突然發覺要多買兩個焗盅至夠,最弊就係去開既中環士丹利街,同紅磡都會廣場舖都相繼搬走,我作為一個忠實fans,一時間發覺佢地搬走都會好徬徨架emotion

丫…點知又「死」好彩,我和家人昨晚去完「大酒店」,回家途中俾我撞正「缸瓦佬」……

 (閱讀全文)

基斯 Chris | 22nd Mar 2008 | 又開飯 | (955 Reads)

昨日整左一個Creme Brulee俾自己同darling做午餐甜品……嘩emotion!好味道!又香又軟滑唷emotion

Picture

o係度同大家分享一下呢個食譜!

Orange and Cinnamon Creme Brulee(四人份)

橙皮--------------------------------------大半個

玉桂--------------------------------------半條

whipping cream/double cream-----500ml

蛋黃--------------------------------------4隻

沙糖--------------------------------------35g 另外適量做焦糖脆皮

 (閱讀全文)

基斯 Chris | 21st Mar 2008 | 又感性 | (656 Reads)

上年阿蘇從家裡找了一些從未用過(或用過一次)的物件出來,在節目中送給聽眾。其中有一本書她沒有讀過的書,《The Alchemist》by Paulo Coelho,一見到我便立即「內部認購」要了回來,但一直也擱在衣櫃裡。

Picture

前幾日出街前心血來潮,帶了它一起乘車的時候讀。才知道原來這是一本相當有震撼力的書,它不是一本小說,也不是什麼什麼心靈雞湯,而是一個寓言故事,一個給大人讀的寓言故事。雖然這本書已出版很久,也是一本暢銷書,相信很多人都已讀過,但我仍想在這裡介紹一下給那些沒有看過的,和表達一下我的感受。

 (閱讀全文)

基斯 Chris | 20th Mar 2008 | 又勞氣 | (1938 Reads)

一直都覺得,有好多讀唔成書既人都會走去保險。不過讀不成書又不代表唔會成功的,的確保險業界有很多成功的人士,但同時間也有很多人呃飯食的!我近日就遇正兩個又「蠢」兼且「唔老實」的呃飯食保險經紀!

 

 (閱讀全文)

基斯 Chris | 18th Mar 2008 | 一般 | (739 Reads)

前日星期一放假,獨個兒上深圳辦事。很多東西要做的,又要做床單啦、訂了的西裝又要試身啦、又要去按腳啦、又要去「中發雪花」食新疆野啦!然而還有一樣頗重要的,就是去超市入貨,以抵消多少來回車費!

當晚從羅湖返港,帶著布料床單的東西之外,還有一個裝滿糧油雜貨的環保袋,再加外一把地拖!我已經格過價了,「微力達」地拖大陸買一把RMB29.9再送外個拖頭emotion;香港就差唔多價錢但係冇多一個拖頭送。

挽著一袋二袋,還有一把地拖,成個「佘太君」咁既我,乘港鐵到觀塘與darling會合,再過海回家(當然佢死都唔肯幫我拿地拖)。

落車時他問我:「你見到梁榮忠坐對面嗎?」,我答:「其實我一早就認得他,但只是相信『人有相似』罷了,因為他的眼睛被鴨咀帽遮住,而且佢衣著相當之『娘』,好難令我相信他是《事必關己》的節目主持呢!emotion」。他當時除了戴著上頂鴨咀帽,還有一件灰灰綠綠冇款的cargo shirt,一條灰灰綠綠冇款的cargo pants(想像一下U-right的貨式),再加一對灰灰綠綠「娘」款的波鞋。「可能佢怕人認得,所以著得bad taste一D掛!」我補充一句。

emotion呀……唔知會唔會有人認得我係基斯,但見到我拿住支地拖同埋一袋糧油雜貨,會諗『基斯應該唔會拿住支地拖響地鐵出現個播!』呢?」忽發奇想,我問darling。他即時回答:「梗係唔會啦!係人都知你人工係架啦!」……emotion咁又係!


基斯 Chris | 16th Mar 2008 | 又慳家 | (612 Reads)

新年時有人送禮來,又係一罐曲奇餅。

食食下有日忽發奇想,丫emotion…唔知個圓罐可唔可以放人焗爐當蛋糕盆呢?仲有個蓋kum住,幾好丫!

Darling話,不如你反轉佢搵罐頭刀開左個底,咪可以做removable bottom焗盆囉!於是我就好開心咁開左個底佢喇emotion……

Picture

 (閱讀全文)

基斯 Chris | 14th Mar 2008 | 又抵死 | (1108 Reads)

emotion雖然冇做商台,但係仍然有定時收風,聽下是非。

不過一搬是非都係好inside,o係度同大家分享就好似好八婆咁emotion,不過呢一單的確要當趣聞同大家分享一下。

話說有一名於07年夏天才入職,被881高層力捧既男新人,不特只入職一個月就已經有三個節目做主持;而且經驗雖淺,但已經迅速被公司派出去做各大小活動既MC……

 (閱讀全文)

基斯 Chris | 13th Mar 2008 | 又慳家 | (2008 Reads)

先排為左整意大利菜,走去中環街市買Basil(o個度買herbs點都一定平過超市),點知3條細到好似「北京菜芯」咁既size,都要收我$15蚊emotion,真係肉赤到不得了。

我聽聞Basil中文除左叫「蘿勒」之外,台灣人又叫佢做「九層塔」!咦……泰菜用既又係好似叫「九層塔」喎!所以我又去九龍城買泰國Basil返黎對比下……

 (閱讀全文)

基斯 Chris | 12th Mar 2008 | 又慳家 | (727 Reads)

泰式咖哩市面上有好多一包包的,四蚊雞,加料加椰奶就得!但弊處就係份量set死哂,六人份量一包又唔夠;一個人食,煮一包食足一個禮拜emotion。而且一兩個人最難買送,even九龍城D泰國雜貨店,裡面樣樣都pack起哂,份量好難隨心所欲……

 (閱讀全文)

基斯 Chris | 9th Mar 2008 | 又感性 | (626 Reads)

昨日還在頭痛要找一本專門介紹新疆旅遊的書,免得我附出三百多大洋買一本「Lonely Planet - China」回來,就只為了裡面新疆一章。而問題今日終於得到解決了!emotion

由於本人的私人財政問題,再加上做電台電視台呢行人工又低,同年紀香港人之中,我都算係一個窮人了。洗十元八塊都得再三思量過才下決定,不能再像以前那樣任性地洗錢……

 (閱讀全文)

基斯 Chris | 8th Mar 2008 | 又出門 | (432 Reads)

五月放大假,還在頭痛去哪裡!今趟有很強烈的意圖,想去大陸走走,打算從新疆開始,但到哪裡去還下不了主意。

一向都用開「Lonely Planet」 的guide book,當然他們有「China」的guide book,但是沒有一本獨立寫「中國東北部」的,或「新疆地區」的,我不願買一本沉甸甸的「China」但只用一章,感覺浪費。所以我到「三聯書店」走走,想他們必定有些專寫新疆的中文旅遊書。

專寫新疆的書是有的,但翻了兩翻,我已經感覺像被強姦一樣,於是速速撇下書本,頭也不回的離開並且盡可能忘記我所見到的東西。

 (閱讀全文)

基斯 Chris | 6th Mar 2008 | 又慳家 | (979 Reads)

昨日在「裕記」見D橙剛剛開箱,好鬼新鮮,又圓又發亮,只賣10蚊9個,於是用蝕少少5蚊4個買返去試!嘩!好好味呀!emotion

 (閱讀全文)

Next